ՀայԲիզնեսPR ԲԼՈԳ

10 փաստ երազների մասին

Երազում տեսնում ենք միայն այն, ինչ գիտենք: Երազներում հաճախ տեսնում ենք անծանոթ մարդկանց, որոնք որոշակաի դերեր են խաղում: Իրականում նրանք բոլորը գոյություն ունեն: Մեր ենթագիտակցությունը հիշում է բոլոր մարդկանց, որոնց մենք երբևէ տեսել ենք: Օրինակ` այսօր տեսած երազի մարդասպանը կարող է այն վարորդը լինել, որին Դուք տեսել եք, երբ չորս տարեկանում մայրիկի հետ գնում էիք հյուր: Եվ քանի որ ամեն օր մենք տեսնում ենք հազարավոր դեմքեր, մեր երևակայությունը դրանք հորինելու կարիք չունի, նա ուղղակի վերցնում է արդեն գոյություն ունեցող կերպարների:

1. Ոչ բոլորն են գունավոր երազներ տեսնում: Ոչ կույր մարդկանց 12% տեսնում է միայն սև ու սպիտակ երազներ: Մնացած մարդիկ տեսնում են գունավոր երազներ: Բացի այդ, մարդիկ սովորաբար միմյանց նման իրավիճակներ են տեսնում /դեպքեր դպրոցում, հետապնդման մեջ լինել, վազել, ընկնել, կենդանի մարդուն մահացած տեսնելը, վթարներ, սեքսուալ բնույթի երազներ և այլն/: Մինչև այժմ դժվար է ասել` արդյոք <ծանր> երազները /դաժանություն, մահ և այլն/ ավելի շատ գունավոր երազներ տեսնող մարդու էմոցիոնալ դաշտի վրա են ազդում, թե սև ու սպիտակ երազներ տեսնող մարդկանց:

2. Երազները ունեն ոչ ակնհայտ իմաստ: Երազները խոսում են սիմվոլների օգնությամբ:
Դրանք նման են բանաստեղծության, որտեղ, օրինակ, մրջյունը նշանակում է շատ աշխատասեր մարդ: Մենք երբեք չենք համեմատում նույնը նույնով. <Այս գեղեցիկ մայրամուտը նման է գեղեցիկ մայրամուտի>: Այնպես էլ երազները երբեք նույնը նույնով չեն արտահայտում: Փնտրեք սիմվոլների մեկնաբանման Ձեր անձնական տարբերակը:

3. Արտաքին աշխարհի ազդեցությունը երազի վրա: Այս երևույթի հետ շատերս առնչվել ենք, երբ իրական աշխարհի ազդակները, ձայները կամ շարժումները տեղափոխվում են երազի մեջ: Օրինակ, երբ դուք ծարավ եք, ապա շատ հնարավոր է, որ երազում նույնպես ծարավ լինեք կամ ջուր խմեք:
4. Երազ տեսնելիս մարդը պարալիզվում է: Սրա ամենատրամաբանական բացատրությունն այն է, որ ուղեղը պաշտպանում է մարմինը վնասվածքներից, որպեսզի երազում տեղի ունեցող շարժումները մարդը չկատարի նաև իրական աշխարհում և չվնասի իրեն:
5. Մղձավանջներ: Մղձավանջներ տեսնելու պատճառներից մեկը ենթագիտակցության
ազդակներն են մարդուն` գոյություն ունեցող /գուցե թաքնված/ խնդիրների մասին զգուշացնելու
համար:

6. Խռմփացնելիս մարդը երազ չի տեսնում:

7. Երեխաները իրենց մասին երազներ չեն տեսնում մինչև 3 տարեկանը: Իսկ 3-8 տարեկանում երեխաները ավելի շատ մղձավանջներ են տեսնում, քան հասուն մարդիկ:

8. Տղամարդիկ ավելի հակված են երազներ տեսնել այլ տղամարդկանց մասին,

9.կանայք երազներում տեսնում են հավասարապես և’ կանանց, և’ տղամարդկանց:
10.Երազների տևական բացակայության ռեկորդը 18 օր, 21 ժամ, 40 րոպե է: Ռեկորդակիրը այդ ընթացքում բողոքել է տեսողության վատացումից, խոսքի հետ կապված խնդիրներից, կոնցենտրացիայից և հիշողությունից, ինչպես նաև պարբերաբար հալուցինացիաներ է ունեցել:

10 օգտակար խորհուրդներ բիզնեսմեններին

Իրոք հարուստ մարդ դառնալու համար անհրաժեշտ է մտածել որպես միլիարդատեր:Ինչպես վերաբերվել փողին, աշխատանքին, տարբեր մտահաղացումներին և կյանքին ընդհանրապես?

1. “Լավագույն ընկերը նա է, ով կարող է օգնել ինձ դրսևորվել լավագույն կողմից”

2. “Ամբողջությամբ ծառայությանը նվիրված բիզնեսը երբեք չի մտահոգվի շահույթի համար: Այն կլինի ահռելի”

3. “Շուկայում չի լինում շատ լավ արտադրանք, բայց լինում է շատ վատ”

4. “Իդեալիստը նա է, ով օգնում է մյուսներին հաջողության հասնել”

5. “Կյանքում հաջողության հասնելով մենք ծանոթանում ենք մեր հնարավորությունների սահմաններին”

6. Պատրաստակամությունը հաջողության գլխավոր գաղտնիքն է:

7. Մրցակցությունը բիզնեսի սուր ծայրն է, որը միշտ կրճատում է ծախսերը:

8. Մի փնտրիր որտեղ ես վրիպել, փնտրիր նոր միջոցներ:

9. Ոգևորությունը բարձրացնում է ձեր հույսերը մինչև աստղերը ինչպես մակարդի վրա:

10. Ոգևորությունը դա ձեր աչքերի փայլն է, ձեր քայլվածքի անկաշկանդությունը, ձեր ձեռքերի երկաթե բռնվածքը: Ձեր կամքի անհաղթահարելի իմպուլսը և գաղափարներ իրագործելու էներգիան:

ԱՄԵՆԱՊԱՀԱՆՋՎԱԾ 10 ՄԱՍՆԱԳԻՏՈՒԹՅՈՒՆՆԵՐԸ

Ձեր ուշադրությանն ենք ներկայացնում այն 10 մասնագիտությունները, որոնք, ըստ. մեր հետազոտությունների արդյունքի, աշխարհում կունենան մեծ պահանջարկ

1. Ինժեներ: Որքան էլ տարօրինակ հնչի, սակայն այս բնագավառի մասնագետների պակաս այժմ արդեն իսկ նկատվում է: Երկրների զարգացմանը զուգընթաց, զարգանում է նաեւ նրանց արդյունաբերությունը եւ շինարարությունը: 5 տարի անց այժմ աշխատող ինժեներների մեծամասնությունը կգնա թոշակի, իսկ նրանց տեղը լրացնելու հայտ են ներկայացրել շատ քիչ քանակության ուսանողներ: Շինարարական տեխնոլոգիաների զարգացումը պահանջում է մեծ քանակությամբ ինժեներական կրթության մասնագետներ, որոնք հետագայում կկարողանան ժամանակի հետ զուգընթաց իրականացնել շինարարական աշխատանքներ, որոնք էապես կտարբերվեն նախկիններից՝ իրենց մեջ կրելով նորագույն տեխնոլոգիաներ:

2. Սպասարկման ոլորտի մասնագետներ: Հաշվի առնելով տուրիզմի զարգացումը, զվարճանքի եւ ժամանցի վայրերի հանդեպ մարդկանց աճող հետաքրքրությունը, այդ ոլորտի սպասարկումը պատշաճ կազմակերպելու համար գնալով աճում է համապատասխան մասնագետների պահանջարկը: Պահանջվում են, ովքեր քաջատեղյակ են տվյալ տեղանքին եւ կարող են օգնել զբոսաշրջիկներին անցկացնել իրենց հանգիստը ըստ նախապես պլանավորված ժամանակացույցի: Սպասարկման ոլորտի մասնագետների թվին են պատկանում նաեւ բազմազան միջոցառումների` հարսանեկան արարողությունների, բանկետների, համերգների կազմակերպիչները:

3. Ինֆորմացիոն տեխնոլոգիաների մասնագետներ: 21-րդ դարը նոր տեխնելեգիաների դար է: Մեր ժամանակներում ինֆորմացիոն տեխնոլոգիաների մասնագետների պահանջարկը գերազանցում է մնացած բոլոր մասնագետների պահանջարկին: Կազմակերպություններում պահանջվում են խելացի սիստեմային ադմինիստրատորներ, բայց ցավոք այժմ համալսարաններում, որտեղ ուսում է ստանում ծրագրավորողը, հնարավոր չէ ստանալ անհրաժեշտ գիտելիքներ, որոնք կբավարարեն շուկայի պահանջը: Պատճառը պարզ է. ինֆորմացիոն տեխնոլոգիաները զարգանում են ժամ առ ժամ: Շատ ընկերություններ այժմ կարիք ունեն սեփական սպեցիֆիկ ծրագրային ապահովման, նոր ծրագրերի, որոնք հնարավորություն կընձեռեն ապահով պահպանել ինֆորմացիան եւ ապահով կիրառել այն ներքին համացանցում: Ինֆորմացիոն տեխնոլոգիաների մասնագետները ամենաբարձր վարձատրվող մասնագետներն են:

4. Բժիշկներ: Վերջին ժամանակներում պահանջարկ են վայելում բժիշկները: Հատկապես նեղ մասնագիտական ուղղվածության բժիշկները: Բժշկական կենտրոնները առաջարկում են հիանալի պայմաններ տվյալ ոլորտի մասնագետներին: Աշխատավարձից բացի, նրանց առաջարկվում են նաեւ կոմունալ ծախսերի, փորձի փոխանակման համար արտասահմանյան ուղեւորությունների վճարները:

5.Էկոլոգներ: Մեքենաների քանակը տարեկան ավելանում է մի քանի հարյուր միլիոնով: Աշխարհում էկոլոգիայի վատթարացման հետեւանքով Էկոլոգի մասնագիտությունը մեծ պահանջարկ ունի: Զարգացած երկրներում արդեն կիրառվում է շինարարական աղբի վերամշակում եւ դրա կիրառումը նոր շինարարության մեջ: Երկրի կամ տվյալ քաղաքի համար Էկոլոգիական քաղաքականության մշակումը:

6. Քիմիկոսներ: Առաջին հայացքից թվում է, թե քիմիկոսի մասնագիտությունը աշխարհում այդքան էլ պահանջված չէ, բայց դա միայն առաջին հայացքից: 21-րդ դարի գլխավոր խնդիրը էներգետիկ խնդիրն է: Նավթի եւ գազի պաշարները սպառվում են, նրանց փոխարինող էկոլոգիապես մաքուր էնէրգամատակարարների ՕԳԳ-ն բավականին ցածր է: Այդ իսկ պատճառով գիտնականները հիմա զբաղված են նոր էներգիայի աղբյուրների հայտնաբերմամբ:

7. Հոգեբաններ եւ անձնական խորհրդատուներ: Կարելի է նաեւ նրանց դասել բժիշկների շարքին, սակայն այսօր մարդկանց հոգեբանական խնդիրները համարվում են առաջնային: Հոգեբանի կարիք են ունենում ոչ միայն կլինիկաների հաճախորդները, այլեւ շատ ընտանիքներ:

8. Մարկետոլոգներ: Արտադրողները այսօր առաջարկում են տարբեր տեսակի ապրանքներ, որոնցից շատերը պահանջարկ չունեն: Իսկ այն ապրանքները, որոնք առաջ մեծ պահանջարկ ունեին, այժմ կորցրել են իրենց սպառման դաշտը: Մարկետոլոգի հիմնական խնդիրն է հետազոտել շուկան, պարզել՝ ինչ ապրանքների պահանջարկ կլինի որոշակի ժամանակ անց:

9. PR մասնագետներ: Այս ոլորտի մասնագետների բարձր պահանջարկը պայմանավորված է հետեւյալով. նույնիսկ եթե ուսանողին հաջողվել է բարեհաջող ավարտել բուհը, դա չի երաշխավորում մասնագետի կայացումը: PR մասնագետներից օգտվում են քաղաքական գործիչները՝ ընկերությունները, որոնք պահանջում են նման մասնագետներ իրենց արտադրանքը կամ ծառայությունը հնարավորինս հայտնի դարձնելու համար:

10. Նանոտեխնոլոգիաների մասնագետներ: Նանոտեխնոլոգիաները համարվում են ներկայում գործող եւ ապագային միտված հիմնական տեխնոլոգիաները: Նրանց զարգացումն է դրված շատ երկրների տնտեսության մեջ՝ որպես հիմնական ուղի:

Հ.Գ. Մեծ մուլտիպլիկատոր Ուոլտ Դիսնեյը ասել է: «Դուք կհասնեք հաջողության եթե աշխատեք ոչ թե գումարի, այլ նրա համար, որպեսզի լավ կատարեք ձեր աշխատանքը: Պետք չէ անհանգստանալ գումարի համար: Ուղղակի իրականացրեք այն, ինչ դուք կարողանում եք ամենից լավ անել, իսկ գումարը կգա ինքնըստինքյան»:

Խորհուրդներ ճամպրուկը դասավորելու վերաբերյալ

Ձեր հագուկապը արտահայտում է ձեր ղեկավարի, գործընկերների և ինքներդ ձեր հանդեպ ունեցած հարգանքը: Շատ կարևոր է, որպեսզի աշխատավայրում դուք հատուկ ուշադրություն դարձնեք ձեր հագուստի պատշաճ ոճին:

Առաջին մի քանի օրը ճիշտ կլինի պահանջվածից ավելի պաշտոնական հագուստ կրել, նախքան կկարողանաք կողմնորոշվել, թե ինչպիսի մթնոլորտ է տիրում ձեր գրասենյակում` պաշտոնական թե ոչ պաշտոնական: Համայնքային կապեր ծրագրի շրջանակներում վերապատրաստման մեկնելիս, ամենաճիշտը հիմնականում ոչ պաշտոնական հագուստ վերցնելն է, և դրանից բացի, ևս մի երկու կոստյում:

hաշվի առեք, որ մեր խորհուրդները դուք կարող եք հարմարեցնել ըստ ձեր ճաշակի և ունեցած հագուսի տեսականու: Բիզնեսում տղամարդկանց պաշտոնական հագուստը կոստյումն է, արդուկված վերնաշապիկը և օձիքը: Կանանց համար նույնպես կարող է լինել կոստյումը արդուկված վերնաշապիկով կամ բլուզով, զուգագուլպաներ (եթե կիսաշրջազգեստ եք հագած), և պարզ փակ ճիտկերով կոշիկները քառակուսի կամ կլոր կրունկներով:

Կանանց համար`

Նվազագույնը երկու կոստյում ծնկի վրա իջնող կիսաշրջազգեստով կամ անդրավարտիքով
Անթափանց բլուզներ կամ տոպեր
Զուգագուլպաներ
Ավանդական, ցածր կրունկներով, ոտքի մատները փակ կոշիկներ
Ազատ անդրավարտիքներ կամ կիսաշրջազգեստներ
Հարմարավետ կոշիկներ տեսարժան վայրեր այցելելու և քայլելու համար
Սպորտային համազգեստ մարզադահլիճի և լողազգեստ` լողավազաններ կամ լողափ այցելելու համար
Երեկոյան հագուստ հատուկ միջոցառումների համար

Խորհուրդներ`

Խուսափեք “ճչացող” գույներով հագուստներից, ինչպես օրինակ, կարմիր, կանաչ, նարնջագույն, դեղին
Միշտ կրեք ներքնազգեստներ
Կոստյումի տակից միշտ կրեք բլուզ կամ տոպ
Կիսաշրջազգեստների հետ անպայման կրեք զուգագուլպաներ
Մի ներկեք մատները վառ գույնի կամ փայլփլող լաքով
Խուսափեք շատ շպարվելուց և վառ գույնի շրթներկ օգտագործելուց
Խուսափեք աչքի զարնող զարդերից
Օգտագործեք չափավոր օծանելիք

Տղամարդկանց համար`

Նվազագույնը երկու կոստյում
Կտորից վերնաշապիկներ
Ավանդական օձիքներ
Ազատ կամ ջինսե անդրավարտիքներ
Հարմարավետ կոշիկներ տեսարժան վայրեր այցելելու և քայլելու համար
Սպորտային համազգեստ մարզադահլիճների, և լողազգեստ` լողավազաններ կամ լողափ գնալու համար

Խորհուրդներ`

Արդուկեք անդրավարտիքներն ու վերնաշապիկները
Ամեն օր ցնցուղ ընդունեք և սափրվեք
Ամեն օր փոխեք վերնաշապիկները
Սանրեք ձեր մազերը
Եղունգները պահեք մաքուր և կտրված վիճակում
Խուսափեք աչքի ընկնող զարդերից
Օգտագործեք չափավոր oծանելիք

Շոու-բիզնեսում «եղեռն է տեղի ունենում»

«Եղեռն է տեղի ունենում»,- լրագրողների հետ հանդիպման ժամանակ հայտարարեց երգչուհի Լեյլա Սարիբեկյանը` անդրադառնալով մերօրյա շրջանառվող երաժշտությանն և շոու-բիզնեսի ներկայացուցիչներին:

«Երգարվեստը շատ մեծ ուժ է: Այսօր կան երգիչ-երգչուհիներ, ովքեր հայտնվել են շոու-բիզնեսում և նույնիսկ փորձում են օպերայի բեմն աղտոտել: Նրանք իրենց կլկլոցներով այնքան վտանգավոր չեն, որքան այդ մարդկանց հովանավորողները»,- նշեց Լ. Սարիբեկյանը, հավելելով, որ կան շատ շնորհաշատ երիտարսադ երգիչներ, ովքեր, չունենալով հովանավորներ, մնում են ստվերում, իսկ այսօր տարբեր միջոցառումներին երգում են «վերևից որոշված» երգիչ-երգչուհիներ:

«Այսօր մենք երիտասարդության մեջքն ենք կոտրում»,- ընդգծեց երգչուհին:

Լեյլա Սարիբեկյանը խոսեց նաև ֆոնոգրամայով «երգող» երգիչներից` առանց անուններ հնչեցնելու, ովքեր «մարդկանց խաբում են և համալիր են լցնում` «կենդանի» նվագակցությամբ»:

Երգչուհին նաև հիշեցրեց, որ կա ՀՀ մշակույթի նախարարի հրամանը` ֆոնոգրամայով չերգելու վերաբերյալ, կա նաև ՀՀ Օպերայի և բալետի պետական ակադեմիական թատրոնի տնօրենի հրամանը` դարձյալ ֆոնոգրամայով երգելն արգելելու վերաբերյալ, սակայն, ըստ Սարիբեկյանի, որոշ երգիչ-երգչուհիներ շարունակում են երգել ֆոնոգրամայով` անգամ ՀՀ մշակույթի նախարարի ներկայությամբ:

Ժամանակի կառավարում

Ես չունեմ ժամանակ, ես դեռ շատ ժամանակ ունեմ: Այդ և նման արտահայտություններ մենք հաճախ ենք լսում:

Ժամանակն այսօր համարվում է ամենաթանկ ռեսուրսներից մեկը, իսկ ժամանակի կառավարումը` արդյունավետ մարդկանց կարևորագույն ունակություններից մեկը: Մարդու բնավորությունը սովորույթների հավաքածու է, և սովորույթներն ունեն ահռելի նշանակություն մեր կյանքում:
Հիմնական պատճառներից մեկը, որ մարդիկ չեն կարող իրականացնել այն ամենը, ինչ պլանավորում են, այն է, որ թույլ են տալիս ժամանակի թշնամիներին գողանալ իրենց թանկագին ժամերն ու րոպեները:

Ինչպե՞ս ձևավորել ժամանակի կառավարման սովորույթ,
ինչպե՞ս ծախսել ժամանակը,
ինչպե՞ս կառավարել ինքներս մեզ:

1.Ինչ է ժամանակի կառավարումը?

Ժամանակի կառավարումը կառավարման նոր մոտեցում է, որը կոչված է ուսումնասիրելու ժամանակի արդյունավետ օգտագործման ուղիները ` ժամանակի ծախսման պլանավորումը, կարգավորումը, կազմակերպումն ու վերահսկումը:
Ժամանակի կառավարումը մի հմտություն է, որն անհրաժեշտ է աշխատանքների ճիշտ պլանավորման, դրանց առաջնայնության որոշման համար:
2.Ժամանակի վատնում
Հիմնական պատճառներից մեկը, որ մարդիկ չեն կարող իրականացնել այն ամենը, ինչ պլանավորում են, այն է, որ թույլ են տալիս ժամանակի թշնամիներին գողանալ իրենց թանկագին ժամերն ու րոպեները:
Հետաձգումները կկրճատեք, եթե նշանակեք ժամկետներ, վերջնաժամկետներ ձեր նպատակների համար: Ամենաանհետաքրքիր գործերը արեք սկզբում:
Առաջադրանք տալուց կամ ստանալուց փորձեք համոզվել, որ բոլորը հասկացել են, թե ինչ է պահանջվում: եթե գործը ճիշտ չարվի, նորից եք անդրադառնալու դրան:
Ընդհատումներ Պլանավորեք ձեր հանդիպումները` նշանակելով ընդունելության ժամեր կամ անջատեք հեռախոսը, եթե ձեզ անհրաժեշտ է հանգիստ մթնոլորտում աշխատել: Եթե կարողանում եք ճիշտ աշխատել ընդհատումներով, պլանավորեք ձեր աշխատաժամերը այնպես, որ ձեր շրջապատը չազդի ձեր աշխատանքի արդյունավետության վրա:
Պլանավորեք ձեր հանդիպումները և պատրաստվեք դրանց: Իմացեք, ինչ հարցերի եք անդրադառնալու և նույնը ակնկալեք դիմացինից:

3.ինչպե՞ս կառավարել ինքներս մեզ? Աշխատանքը կատարյալ անել ի հաշիվ այլ առաջնահերթությունների կտանի ժամանակի կորուստի: Մտածեք ինչքանով է այդ կատարելությունը կարևոր ձեր գործի համար: Ծայրահեղ կատարելությունը ժամանակի ոչ իրատեսական օգտագործումն է:
Խառնաշփոթ Եթե ինչ-որ բան չեք գտնում, զգալի ժամանակ եք տրամադրում այն փնտրելու համար: Ամեն ինչի համար տեղ և ամեն ինչ իր տեղում – սա իդեալական տարբերակ է, նույնիսկ աղբարկղը: Մի պահեք ամեն ինչ: Դասակարգեք ձեր թղթերը:
Էներգիայի պակաս Հատկացրեք ժամանակ ձեր առողջությանը` ճիշտ սնվելուն, վարժություններին, քնին, այլապես ձեր աշխատանքը արդյունավետ չի լինի:
Որոշումներ Մշտապես որոշումներ կայացնելը ժամանակ է պահանջում: Սովորեցրեք, որ մարդիկ առաջարկեն լուծումները, ոչ պրոբլեմները: Հարցրեք, ինչպես իրենք կլուծեին պրոբլեմները:
Մերժելու անկարողություն Զանազան պատճառներով մերժելու անկարողությունը տանում է լարվածության, արտաժամյա աշխատանքի, ծանրաբեռնվածության:
Եթե վախենում եք վիրավորել մարդկանց` մերժելով, ապա հիշեք “ոչ” ասելու 4 քայլերը.
Ուշադիր լսեք.
Ասեք “ոչ”, քաղաքավարի և վստահ.
Հիմնավորեք.
Այլընտրանք առաջարկեք:

Շնորհավոր Ամանոր և Սուրբ ծնունդ!

Հարգելի՛ ընթերցողներ, «ՀայԲիզնեսPR»-ի անձնակազմը շնորհավորում է ձեզ՝ Նոր տարվա և Սուրբ ծննդյան տոների կապակցությամբ։

Թող գալիք 2011–ը բոլորի համար լինի դրական փոփոխությունների, ինչպես նաև խաղաղության և քաղաքացու իրավունքների պաշտպանության համար մղվող վճռական պայքարի տարի։
խորհուրդ ենք տալիս այն մարդկանց, ովքեր առաջնորդվում են «որտեղ հաց՝ էնտեղ կաց» կարգախոսով։ Հաշվի առնելով այն հանգամանքը, որ այս օրերին որևէ տեղ հացի պակաս չի զգացվի՝ արժե ժամանակավորապես հրաժարվել այդ տխրահռչակ կարգախոսից, քանի որ ավելորդ կալորիաներ հավաքելու վտանգը կչոքի ձեր դուռը, որից հետո պարզ կդառնա, որ «պետք է լինել չաղ ու բախտավոր» մեկ այլ ոչ պակաս տխրահռչակ կարգախոսի իրագործումն առողջական տեսանկյունից այնքան էլ ցանկալի չէ։ Ի վերջո չպետք է մոռանալ, որ Նոր տարվա և Սուրբ ծննդյան տոները ոչ թե գաստրոնոմիական բնույթի են, այլ՝ հոգևոր։